නටාෂා රත්නායක ගැන ශ්‍රී ලංකාවේ බොහෝ දෙනෙක් හඳුනාගෙන සිටින්නේ නිරූපණ ශිල්පිනියක ලෙසය. ශ්‍රී ලංකාවේ තවත් සමහරු ඇය හඳුනන්නේ ඉංගී‍්‍රසි ගීත ගයන ශිල්පිනියක ලෙසය. නමුත් නටාෂා යනු පුංචි ශ්‍රී ලංකාවේදී පමණක් එලෙසින් කටයුතු කරන ශිල්පිනියක නොවේ. අද ඇයගේ ගැඹුරු හඬින් ගැයෙන ගීත යුරෝපයේ මෙන්ම ඇමරිකාවේ ගුවන් විදුලි නාලිකා ඔස්සේ විකාශය කෙරේ. බොහෝදෙනා ඒ ගීත අසන්නට වඩාත් පි‍්‍රය බව සඳහන් කළ හැකිය.
කෙටියෙන්ම කිවහොත් නටාෂා යනු ශ්‍රී ලංකාවේ ශිල්පිනියක ලෙස පියවරක් ලෝකයට තැබූ චරිතයකි. හෙට දින ලෝ ප‍්‍රකට චරිතයක් වීමට ශක්තියක් වෙමින් සීතල නත්තලේ අසිරිය සමග අපි ඇයගේ කටහඬ අවදි කරමු.
නටාෂා කලකට ඉහතදී ඔබ රඟපෑමට සම්බන්ධ වුණා. ඇයි දැන් නැත්තෙ?
කලකට ඉස්සර ටෙලි නාට්‍ය වලට සම්බන්ධ වුණා. එතකොට වයස
18 ක් විතර ඇති. ඇත්තටම රඟපෑමට වඩා කැමති ගායනටයි. රඟපෑමට ඉන්දීය සිනමාවෙන් පවා ආරාධනා ලැබුණා. නමුත් මගේ ඒකායන අරමුණ සහ ගමන සංගීත අංශයයි.
බොලිවුඞ් සිනමාව වගේ පුළුල් තැනකින් ලැබුණු ආරාධනා ප‍්‍රතික්‍ෂේප කිරීම මෝඩකමක් නෙවෙයිද?
කොහෙත්ම එහෙම හිතන්නෙ නැහැ. මොකද යමෙක් අරමුණු කීපයක් දරාගෙන ගියාම සමහරවිට එක අරමුණක්වත් සාර්ථක කරගන්න බැහැ. මගේ අභිලාශය ගායනයෙන් ලෝකයට යාමටයි. ඊට සමගාමීව ඉංගී‍්‍රසි චිත‍්‍රපටයක් නම් සමහරවිට සලකා බලන්න ඉඩ තියෙනවා.
සැමියා මේ දේවල් වලට ඉඩ දේවිද?
දමිත තමයි මගේ මේ ගමනට ගොඩක්ම උදව් කරන්නෙ. මම හිතන්නෙ මම තමයි මේ ලෝකයේ වාසනාවන්තම බිරිඳ. මට ලැබිලා තියෙන්නෙ හොඳම සැමියෙක්. මම ජීවිතයේ ගත්ත හොඳම තේරීම එයයි. දුර ගමනක් එන්න එයාගෙන් ලැබෙන සහාය ඉතාම ඉහළයි.
දැන් විවාහවෙලා සෑහෙන කලක් නේද?
සහතිකෙන්ම ඔව්. වසර දහයක් විතර ගෙවුණා. සමහර වෙලාවට සමහරුන්ට විවාහය කියන දේ හරිම අමිහිරි දෙයක් කියලා අපට අහන්න දකින්න ලැබෙනවා. නමුත් අපි දෙන්නාගෙ ඒ ජීවිතය නිරන්තරයෙන් අලූත් වුණා. ඒ නිසා ජීවිතය සුන්දරවම දැනෙන්න පටන් ගත්තා.
ඔබ සමාජයේ කැපී පේන්න අඳින පළඳින විදියට එයා කැමතිද?
කලාව කියන්නේ කලාත්මක දෙයක්. මගේ රිද්මය, මම කරන දේ ගැන දමිතට හොඳ වැටහීමක් තියෙන්නෙ. ඉතිං මම කරන දේට සාපේක්‍ෂව වේදිකාවේ සිටියදී වඩා උචිත දේ කරන්න ඕන. ඒ විදියට තෝරාගැනීම් ගැන කිසි ප‍්‍රශ්නයක් නැහැ. මොකද ඒ අවස්ථාවට ගැලපීම අනුව තමයි අපි කරන කලාව පේ‍්‍රක්‍ෂකයා වඩාත් වින්දනය කරන්නෙ.
ඇයි ඔබ සිංහල ගීත ගයන්න ඉදිරිපත් නොවන්නෙ?
මම හිතන්නෙ මගේ සිංහල භාෂාව එච්චර හොඳ මදි. ඉතිං මම නිතර කරන්න ඕන දන්න දේ. කලින් කීවා වගේ ඉංගී‍්‍රසි ගායනය තමයි මට වඩා සුදුසු සහ මම දන්නෙ. ඒ හැරත් සිංහල ගීත ගයලා අපට ලෝකයට යාමට තියෙන අවස්ථා අඩුයි. මම හිතන්නෙ ලෝකයට යන්න පුළුවන් මාර්ගයේ තමයි අපි යන්න ඕන.
අද ඔබ ගායනයෙන් කොතරම් දුරකට ගිහින් කියලද හිතෙන්නෙ?
ඇත්තටම මගේ ගීත නිර්මාණ රටේ ඉංගී‍්‍රසි රේඩියෝ චැනල්වල වගේම ලෝකය පුරා බොහෝ රටවල රේඩියෝ චැනල්වල ප‍්‍රචාරය වෙනවා. 'Run Away' සහ Get Up On My Feet කියන ගීතත්, Worship My Body ඇතුළු ගීත ගණනාවක්ම තියෙනවා. මේ නිසා ඉංගී‍්‍රසි ගීත රසවිඳින ආසියාවේ, මැදපෙරදිග, අපි‍්‍රකාව, ඇමරිකාව, බි‍්‍රතාන්‍ය ඇතුළු බොහෝ රටවල ජනතාව අතර යම්තාක් දුරකට ජනපි‍්‍රයයි.
මේ විදියට ඔබ ලෝකයට පියවරක් තබා තිබුණත් ඇයි ලංකාවේ බොහෝ දෙනාට මේ විදියට ලෝකයට යන්න බැරි?
මම හිතන්නෙ ඒකට අපට හරි වේදිකාවක් නැහැ. එහෙම තැනක් අවකාශයක් අපට හදලා නැහැ. ඒ නිසා අපටම එය සොයා යාමට සිදුවෙලා.
ඔබ රූපවාහිනී දැන්වීම් වලටත් පෙනී සිටිනවා. නෙස්පේ‍්‍ර දැන්වීමේ බබා නාවන අවස්ථාවට පෙනී සිටින දැන්වීම ගැන බොහෝ අම්මලා කතා කරනවා. ඒ ඔබගේම බබාද කියලා?
නැහැ. මගේ බබා නෙවෙයි. ඒ දැන්වීම ගැන කතා වෙනවා නම් ඒ ගැන මට සතුටුයි. මොකද මම එය හොඳට කළ නිසා කතා කරනවා ඇති. මටත් කවදාහරි මවක ලෙස ඒ වගේ අවස්ථාවකට පෙනී සිටින්න වෙනවා. එය සිහිකරගෙන දැන්වීමට පෙනී සිටියා.
විලාසිතා නිර්මාණයට ඔබ අධික මිලක් ඉල්ලනවද?
මෙහෙමයි, මගේ ප‍්‍රධාන අංශය සංගීත අංශයයි. දැන්වීම් සහ නිරූපණය කවදත් මම කළේ ප‍්‍රමිතියක් ඇතිවයි. එහෙම ප‍්‍රමිතියක් ඇතිව අපි සියල්ල කළයුතු බව මගේ පුද්ගලික හැඟීමයි. හොඳ දැන්වීමක් ලැබුණොත්, නිරූපණ අවස්ථාවක් ලැබුණොත් ඊට දායක වෙනවා.
කොහොම වුණත් ඔබ මේ විදියට ප‍්‍රතිපත්ති ඇතිව දුර ගමනක් ආ ශිල්පිනියක්. ඒත් සමහරුන්ට ඒ විදියේ දුර ගමනක් එන්න බැහැ. ඇයි ඒ?
තමන් මොන දේ කළත් කොතැන ගියත් තමන් දැනගත යුතු ප‍්‍රධාන දේ තමයි හැසිරීම. කොහේ ගියත් මම මගේ හැසිරීම සහ චරිතයට කැළලක් වන විදියට කටයුතු කළේ නැහැ. ඒ වගේම අපි හරි යාළුවො කවුද කියලා දැනගෙන හරි අය තමයි ආශ‍්‍රය කරන්න ඕන.
විලාසිතා සහ පසුතලය - ODEL /සටහන-ඡායාරූප සඳුන් ගමගේ
Popular Posts
-
SHIHAN MIHIRANGA AND UDARI WARNAKULASOORIYA PHOTOS -100 DOWNLOAD ALL PHOTOS http://www.megaupload.com/?d=2JP13T7N
.jpg)
0 comments:
Post a Comment