දහස් සංඛ්‍යාත ජනතාවකට සීතල මරණය උරුමකර දෙමින් මරණ මංචකය කරා ගෙන ගිය සුර සැප විඳි මේ මහා ජන ඝාතකයාට කරවටක් වතුරේ බැස මඩ වතුර බීමට සිදුවීමද දෛවෝපගත සිදුවීමක් වශයෙන් සැළකිය හැකිය.
පසුදින පහන් වන විට ප‍්‍රභාකරන් කඩොලාන සහිත වගුරු බිමේ තුවාල ලබා සිටින බවට තොරතුරු හමුදා බුද්ධි අංශ මගින් තහවුරු කරගෙන තිබී ඇත.
ප‍්‍රභාකරන් ඇතුළු ඉතිරිව සිටි නායක නායිකාවන් සැඟවී සිටි කඩොලාන සහිත වගුරු බිම්කඩ දෙසට පැති කිහිපයකින් හමුදා කණ්ඩායම් දිගින් දිගටම ප‍්‍රහාර එල්ල කළ අතර අවසානයේ 19 වන දින උදේ 10.00 ට පමණ වෙඩිකා මිය ගොස් සිටි ප‍්‍රභාකරන්ගේ සිරුර සොයාගනු ලැබිණි.
යාපනය පුරපති ඇල්ෆ‍්‍රඞ් දොරේඅප්පා 1975 වසරේ ජූලි මස 25 ඝාතනය කරමින් ප‍්‍රභාකරන් නමැති මහා ජන ඝාතකයා ආරම්භ කරන ලද ඊලාම් සිහින සටන නන්දිකඩාල් කළපුවේ වගුරු බිමේදී නිමාවට පත්වූයේ මුළු දේශයටම නිදහස හා සාමය ලබාදෙමිනි.
ලොව අංක එකේ බිහිසුණු ත‍්‍රස්තවාදියා මැරුම්කෑමත් සමගම තිස්වසරක් පුරාවට පැවති යුද්ධයද අපේ මව්බිමෙන් තුරන් විය. ප‍්‍රභාකරන්ගේ හිසට වෙඩි පහරක් එල්ලවී තිබිණි.
ප‍්‍රභාකරන්ගේ ශරීරාරක්ෂකයින් ඇතුළු ඉතිරිව සිටි සියලූම නායක නායිකාවන්ගේ සිරුරු ද තැනින් තැන වැටී තිබී හමුදාව විසින් සොයාගනු ලැබූ අතර එම සංඛ්‍යාව 50 - 60 කට වැඩිය.
අපි දැන් පය ගසා සිටින්නේ රුදුරු ත‍්‍රස්තවාදීන් රොත්ත මැරුම්කෑ කඩොලාන සහිත බිම් කඬේය. අපේ රණවිරුවන් විකුම් පෑ විජයග‍්‍රහණයන් කළ රණබිමේය.
අන්තිම සති කිහිපය ප‍්‍රභාකරන් කුසගිනි නිවාගෙන ඇත්තේ රොටි කෑල්ලකිනි. අවසාන දවස් දෙක තුන තුළ කුසගින්න නිවා ගැනීමට රොටි කැබැල්ලක්වත් ඔහුට සොයා ගැනීමට නොහැකිව මඩ වතුර බී කුස ගින්න නිවාගෙන ඇත්තේ ඒ නිසාය.
වටංවාල් කෝවිල පිහිටා ඇත්තේ මුල්ලයාවේලි ප‍්‍රදේශයේය. මුල්ලයාවේලි පිහිටා ඇත්තේ මුලතිව් දිස්ත‍්‍රික්කයේය.
ප‍්‍රභාකරන් දන්න කාලයක සිටම ඒ කෝවිලේ පැවැත්වෙන වාර්ෂික මංගල්‍යයට ගොස් ඇතත් 2009 වසරෙන් පසු යාමට නොහැකිවී තිබේ. ඒ වෙන කිසිවක් නිසා නොව යුද්ධය දරුණු අතට හැරී තිබූ නිසාය.
කොටි සංවිධානය මුල්වරට සැහැල්ලූ ගුවන් යානයක් ගුවන්ගත කර මල් ඉසිනු ලැබුවේද මෙම කෝවිලට බව බුද්ධි අංශ කියයි.
කොටි නායක නායිකාවන් රැසක්ම පදිංචිව සිටි නිවාස පිහිටා තිබුණේ පුදුකුඩිරිප්පු ප‍්‍රදේශයේය. පුදුකුඩිරිප්පු යන නමෙහි සිංහල අරුත වන්නේ අලූත් ගම්මානය යන්නයි.
මුලතිව් දිස්ත‍්‍රික්කයේ ඇති ප‍්‍රාදේශීය ලේකම් කොට්ඨාස පහෙන් ලොකුම ප‍්‍රදේශය වන්නේද පුදුකුඩිරිප්පුය.
ඉහළම පෙලේ කොටි නායක නායිකාවන් රැසක් පදිංචිව සිටියේ මෙම ප‍්‍රදේශයේ නිසා ඒ කාලයේ පැය 24 පුරාම විදුලිය බලය මෙම ප‍්‍රදේශයට අඛණ්ඩව සපයා තිබී ඇත.
විදේශයකින් ගෙන්වන ලද අධිබලැති විදුලි ජනක යන්ත‍්‍ර පද්ධතියක් පුදුකුඩිරිප්පුවේ පිහිටා තිබී ඇත.
කොටි නායකයන් පමණක් නොව ඔවුන්ගේ බිරින්දෑවරුන් සහ දුවා දරුවන්ද තලගොයි මස් කෑමට බොහොම රුචියක් දක්වා ඇත.
මේ නිසා ඒ කාලයේ සමහරුන් කැලෑවට ගොස් තලගොයින් අල්ලා ගෙන පැමිණ පුදුකුඩිරිප්පුව හංදියේ තබාගෙන සිට එකෙක් පණ පිටින් විකුණා ඇත්තේ රුපියල් 1,000 සහ 2,000 අතර මුදලකට බව එහිදී අපට තරුණයින් කිහිප දෙනෙක් පැවසූහ.
කැස්බෑ මස්, තලගොයි, කකුළුවන් හා ඉස්සන් කෑමට වඩාත් ප‍්‍රියකරන ප‍්‍රභාකරන් අඟහරුවාදා, සිකුරාදා සහ සෙනසුරාදා යන දිනයන්හි ආහාරයට ගන්නේ එළවළු පමණකි.
හාල්පිටි වලින් සෑදූ පිට්ටු, පොල් සම්බෝල සමග මුරුංගා හොදි උදේ ආහාරය සඳහා ලබා ගන්නා ප‍්‍රභාකරන් දිවා ආහාරය සඳහා බත් සහ ව්‍යංජන ආහාරයට ගනී.
රාත‍්‍රී ආහාරයට පාන්පිටි වලින් සෑදු සැහැල්ලූ ආහාරයක් ගැනීමට ප‍්‍රභාකරන් පුරුදුව සිට ඇත.
ප‍්‍රභාකරන් උදෑසනම පැය භාගයක් පමණ ශාරීරික ව්‍යායාම් වල නිරතව තෙල් සහිත සම්බාහනයක් කරගෙන උදෑසන 9.00 පමණ වන විට ස්නානය කර ඇත.
සවස 5.00 ට පමණ නැවතත් පැය භාගයක පමණ කාලයක් ඇවිදීමට යන ප‍්‍රභාකරන් නැවත තෙල් සම්භාහනයක් කර ස්නානය කරයි.
දකුණු ඉන්දීය රූපවාහිනි වැඩසටහන් නැරඹීමට දැඩි ලෙස ආශා කරන මොහු සවස් කාලයේ ඉහළ පෙලේ කොටිනායකයින් හා විශේෂිත පුද්ගලයින් හමුවීමට යොදාගෙන ඇත.
මරාගෙන මැරෙන කොටි සාමාජික සාමාජිකාවන් මුණ ගැසීමට, යුද්ධයෙන් අනාථ වූ දරුවන් මුණ ගැසීමට හා කොටි කඳවුරු පරික්ෂා කිරීමට යාමටද දවසෙන් පැය කිහිපයක් ප‍්‍රභාකරන් වෙන්කරගෙන තිබේ.
වන්නි මානුෂිය මෙහෙයුම ආරම්භ කිරීමෙන් පසු මේ දින චර්යාවන් සම්පූර්ණයෙන්ම පාහේ වෙනස්වී ඇති බව බුද්ධි අංශ හෙළිකරගෙන ඇත.
මුව මස් හා ගෝන මස් වලට අමතරව තලගොයි මස් කෑමට ප‍්‍රභාකරන්ද දැඩි රුචියක් දක්වා ඇති බවත් ඒ නිසා ඔහුට ලබාදීමටද තලගොයි රැගෙන යාමට එකල කොටි ත‍්‍රස්තයින් පැමිණි බව එම තරුණයෝ අප සමග වැඩිදුරටත් පැවසූහ.
පහළ මට්ටමේ ඇතැම් කොටි ත‍්‍රස්තවාදීන් එදා මුදල් නොදී බලහත්කාරයෙන් විකිණීමට තබාගෙන සිටි තලගොයි රැගෙන ගිය ආකාරය ගැනද ඒ තරුණයෝ සිහිපත් කළහ.කොටි නායක ප‍්‍රභාකරන්ට කොයිමොහොතක හෝ සබ්මැරීනයකින් රටින් පලා යාමට සැලසුම්කර තිබූ බවත් ඒ සඳහා විශාල ප‍්‍රමාණයේ සබ්මැරීනයක් සාදමින් සිටි බවත් ප‍්‍රකාශ කරනු ලැබුවේ කොටි සංවිධානයේ මාධ්‍ය ප‍්‍රකාශක ලෙස කටයුතු කළ දයා මාස්ටර් විසිනි.
හමුදාවට බාරවීමෙන් පසු කිලිනොච්චියේදී පැවති මාධ්‍ය හමුවකදී දයා මාස්ටර් එදා මේ බව හෙළි කර ඇත.
වෙල්ලමුල්ලි වයික්කාල් ප‍්‍රදේශයේ කොටින්ගේ සබ්මැරීන් අංගනයක් තිබී හමුදාව සොයාගත් අතර ප‍්‍රභාකරන්ට පලා යාමට සාදමින් තිබූ විශාල ප‍්‍රමාණයේ ඒ සබ්මැරීනය අදටත් එහි දක්නට ඇත.
යුද ගැටුම් දරුණුවීම නිසා එය සම්පූර්ණයෙන් සාදා අවසන් කිරීමට නොහැකිවී ඇත. අඩක් නිමවා ඇති ඒ විශාල සබ්මැරීනය වෙඩි නොවදින තහඩු යොදාගෙන සකසා තිබේ.
ඒ සබ්මැරීනය මුහුද තෙක් රැගෙන යාම සඳහා සබ්මැරීන අංගනයේ සිට මුහුදු වෙරළ තෙක් කොන්ක‍්‍රීට් වලින් විශාල ප‍්‍රමාණයේ ඇළ මාර්ගයක්ද සකසා තිබේ.
මුහුදේ අධික වේගයෙන් ගමන් කළ හැකි ස්කූටර් විශේෂයක්, පාද වලින් දිය මත පැදගෙන යාහැකි ඉතා කුඩා ප‍්‍රමාණයේ යාත‍්‍රා ඇතුළු යාත‍්‍රා රැසක් වෙල්ලමුල්ලිහිදී මහජන ප‍්‍රදර්ශනයට තබා ඇත.
පාද වලින් දිය මත පැදගෙන යා හැකි ඉතා කුඩා ප‍්‍රමාණයේ යාත‍්‍රාවේ අධිබලැති පුපුරණ ද්‍රව්‍ය අටවා ආබාධිත කොටි සෙබළකු හෝ සෙබළියක එයට නංවා එය පදවාගෙන ගොස් නාවික හමුදා යාත‍්‍රාවක ගැටීමට සලස්වා පුපුරුවා හැරීම කර ඇති බව ඒවා ගැන ජනතාවට කරුණු පහදාදෙන හමුදා සෙබළු පවසති.
කොටි සංවිධානයේ සබ්මැරීන් අංශය බාරව සිට ඇත්තේ ද වන්නි මානුෂිය මෙහෙයුමේදී මැරුම්කෑ ප‍්‍රභාකරන්ගේ වැඩිමල් පුත් චාල්ස් ඇන්තනීය.
චාල්ස් ඇන්තනී යුරෝපීය රටක පිහිටි සරසවියක තොරතුරු තාක්ෂණය හා ගුවන්යානා තාක්ෂණය පිළිබඳව පුහුණුවීම ලබා ඇති බව බුද්ධි අංශ හෙළිකරගෙන ඇත.
මුලතිව් සහ කිලිනොච්චි යන දිස්ත‍්‍රික්කවල ජනතාවගේ ජීවන තත්ත්වය දියුණු කිරීම සඳහා අවශ්‍ය පහසුකම් ලබාදෙමින් මාර්ග පද්ධතීන්, පාලම්, බෝක්කු දිවා රාත‍්‍රී දෙකේ ඉදිකරගෙන යන අයුරු එම ප‍්‍රදේශවල සංචාරය කරන ඕනෑම අයෙකුට ඇස්පනාපිටම දක්නට ලැබේ.
තව වසර කිහිපයකින් ඒ පළාතේ වසර 30 ක් පුරා යුද්ධයක් තිබුණාදැයි සොයාගැනීමටත් නොහැකිවනු නිසැකය. අහිමිවූ ජීවිත හැරෙන්නට සියල්ල ඔවුනට ලැබෙනු ඇත.
මෙම ලිපිය සැකසීමේදී උපකාර කළ උතුරු පළාත් බාර ජ්‍යෙෂ්ඨ නියෝජ්‍ය පොලිස්පති ගාමිණි සිල්වා, බි‍්‍රගේඩියර් ජයවර්ධන, මුලතිව් කොට්ඨාසය බාර පොලිස් අධිකාරී ජනක ගුණතිලක, උතුරු පළාත් විශේෂ මෙහෙයුම් ඒකකයේ ස්ථානාධිපති උප පොලිස් පරීක්ෂක පුෂ්පිත ගුණරත්න, සැරයන් වරුන් වන දිසානායක (22472) සහ නෙල්සන් (46883) යන මහත්වරුන්ටද විශේෂ ස්තුතිය හිමිවේ.
විස්තරය- ශ්‍රීනාත් ප‍්‍රසන්න ජයසූරිය / ඡායාරූප - මාදම්පේ නිර්මාල් ප‍්‍රසංග
Tuesday, January 24, 2012
තලගොයි මස් නැතිව මඩ වතුර බිව් ප‍්‍රභාකරන්
නන්දිකඩාල් කළපුවේ අවසන් ගමන් ගිය ප‍්‍රභාකරන්
ප‍්‍රභාකරන් අන්තිම මොහොතේ පැනයාම සඳහා සෑදූ සබ්මැරීනය
සබ්මැරීනය මුහුදට ගෙනයාමට සෑදූ ඇළ මාර්ගය
Popular Posts
-
SHIHAN MIHIRANGA AND UDARI WARNAKULASOORIYA PHOTOS -100 DOWNLOAD ALL PHOTOS http://www.megaupload.com/?d=2JP13T7N
.jpg)
0 comments:
Post a Comment